Një ditë pasi emisioni investigativ Stop në televizionin Klan denoncoi sesi  konsullata shqiptare në Milano kryente martesa civile kundrejt rryshfetit dhe pa dokumentacionin e nevojshëm, Ministria e Jashtme reagoi duke njoftuar se  konsullja Luljeta Çobanaj nuk do të jetë pjesë e shërbimit diplomatik.  Konsullja ishte bërë  pjesë e një skeme korruptive që siguronte emigrantëve çertifikate martese kundrejt pagesave nën dorë. Burime thanë për ResPublica se Çobanaj u emërua në këtë post me propozim të Lëvizjes Socialiste për Integrim dhe pavarësisht problemeve që ishin raportuar në detyrën e saj ministri Bushati e kishte të vështirë ta shkarkonte.