Kompania amerikane e prodhimit të vaksinës anti-CoVid-19, do të reduktojë përkohësisht dërgesat në Europë. Lajmi është bërë i njohur nga vetë kompania, por edhe Instituti Norvegjez për Shëndetin Publik që ka njoftuar ujen e sasisë në partinë e parë.
Ne morëm këtë mesazh sot, pak përpara orës 10. Prisnim 43 875 doza nga Pfizer për javën e tretë.mduket se do të marrim 36 075 doza
njofton instituti norvegjez.
Vetë kompania ka sqaruar se ulja e dërgesave ka të bëjë me reduktimin e qëllimshëm të prodhimit në mënyrë që të përmirësohen kapacitetet dhe të kalohet nga 1.3 miliardë doza/vit në 2 miliardë.
Pfizer ka shtuar se reduktimi i punës do të prekë dërgesat e të gjitha vendeve europiane për fundin e janarit dhe fillimin e shkurtit, por më pas do të kalohet në kapacitet të shtuar.