Shkruan Ngjela, këshilltar dhe praktikisht zëdhënës i kryeministrit njëkohësisht:

“Pas qeverisë së Pandeli Majkos, e cila iu përmbajt me korrektësi aleancës amerikano-shqiptare për çështjen e nxehtë të Kosovës, qeveria aktuale Rama është qeveria e dytë socialiste që po i qëndron korrektësisë së aleancës shqiptaro-amerikane, këtë herë në lidhje me shpëtimin e shqiptarëve nga korrupsioni shtetëror dhe nga krimi i organizuar, për të realizuar strukturimin real perëndimor të shtetit shqiptar”.

Vazhdojnë më poshtë këta radhonj të mendimit politik puro perëndimor:

“Kurrë mos e mendoni se lufta për çlirimin e Kosovës, nuk ka lidhje organike të drejtpërdrejtë me Reformën aktuale, për krijimin e sistemit real perëndimor të demokracisë shqiptare dhe të shtetit shqiptar”.

I bie që amerikanët nuk paskan punë tjetër: o bëjnë Shqipërinë perëndimore, o s’ka. Dhe në këtë projekt të madh i pengon Sali Berisha me Ilir Metën. Miku dhe partneri i tyre: Edi Rama. Mesazhi: Shqiptarë, ecni nga kjo rrugë! 

 

http://www.gazetatema.net/web/2016/08/04/aleanca-shqiptaro-amerikane-ga…