"Ne do bëjmë shtet". Për publikun shqiptar tingëllon si një togfjalësh sa ushtarak aq edhe teatral, por në fakt ky ka qenë zotimi politik i Edi Ramës kur kërkoi votat për t'u bërë kryeministër i vendit. Parrullë të cilën e ka përsëritur kur i është dashur të justifikojë brutalitetin e aksionit për vjeljen e detyrimeve të prapambetura të energjisë dhe atë të ndërtimeve pa leje. Një mesazh që u përcoll nga lart poshtë për të na kujtuar se nuk ka tolerancë me ligjin kur bëhet fjalë për të marrë ato që i takojnë shtetit, me hir apo me pahir. Në emër të shtetit pati të shoqëruar, të proceduar, të burgosur dhe të mos harrojmë, të vetëndëshkuar me vetëvarje në qelitë e paraburgimit. “Marrëzia” e shtetit të ri detyroi punonjësit e administratës të shkonin në punë me librezat e energjisë në xhep për të shpëtuar ndonjë fluturim të papritur nga puna.
Në shtator paralajmërohet një aksion i ngjashëm për faturat e ujit dhe një zbarkim në terren i tatimorëve për të disiplinuar kasat fiskale dhe bizneset që mbajnë ndonjë bakshish sa për vete.Me pak fjalë shteti që ka në kokë kryeministri për ne, popullin e padisplinuar është shteti që nuk të fal asnjë kacidhe edhe pse shërbimet dhe garancitë ligjore që të ofron janë pak të thuash mizerje. Megjithatë të gjithë biem dakord që informaliteti duhet luftuar pavarërisht kostove dhe si i tillë është një operacion i nevojshëm për të mirën e përbashkët. Por paralelel me këtë shtetin që Edi Rama po ndërton për ne popullin ka dhe një shtet tjetër, shteti për sërën e të pasurve dhe të fortëve politikë. Ky shteti i të pasurve dhe të fortëve vepron me të tjera standarde, ka të tjera pikëpamje për informalitetin dhe paligjshmërinë. Dhe vijmë te fjalët e Platonit që thoshte se në çdo shtet egzistojnë dy shtete, shteti i të varfërve dhe shteti i të pasurve.
Meqënëse Edi Rama përfaqëson shtetin duhet ta dijë që në 25 vite tranzicion ka qenë shteti që ka nxitur dhe lejuar informalitetin, ndërsa njerëzit kanë gjetur mënyra për të mbijetuar sipas botëkuptimit të tyre. Po ashtu Edi Rama duhet ta dijë se shteti në këto 25 vite u është dashur vetëm politikanëve, përfshi edhe Edi Ramën në 15 vitet e fundit si ministër, kryetar bashkie dhe kryeministër për t'u pasuruar dhe për të ndërtuar vila për vete dhe fëmijët.
Me çfarë parash janë ndërtuar vilat dhe janë blerë pasuritë nga Ksamili në Shëngjin, nga Qerreti në Surrel, përse shteti ynë që është në luftë me informalitetin nuk na e thotë. A e justifikojnë dot pasurinë përfaqësuesit e “nderuar” të shtetit përfshi këtu edhe Edi Ramën me rrogat që kanë marrë gjatë viteve si deputetë, ministra apo kryeministra? Shteti duhet të na bindë fillimisht dhe të na vërtetojë që Edi Rama dhe të tjerët nuk janë informalë dhe pastaj të vërsulë ushtrinë e policisë elektrike, tatimore apo ndërtimore për të na formalizuar. Në çdo cep të Shqiperisë informaliteti është i dukshëm dhe dukshëm i paprekshëm, nga vilat luksoze të parisë deri tek makinat e shtrenjta të të fortëve që merren me mall.
Në këto 25 vite njerëzve të thjeshtë shteti nuk u është dashur për asgjë, vetëm sa u ka prishur gjumim, punën, pronat, pasurinë, pensionet, edukimin dhe të ardhmen e fëmijëve. Ky shtet vetëm ka grabitur, ka gënjyer, ka varëfëruar dhe asnjëherë nuk na ka mbrojtur popullin e tij. Dhe këtë vazhdon ta bëjë pavarësisht se kush është në krye të tij.
l.mitro
Mitro, dakort me logjiken dhe
Mitro, dakort me logjiken dhe argumentin deri tek momenti qe vjen tek faktet.
Thua qe 25 vjet tranzicion shteti ka qene informal dhe jane bere vila pa fund si nga individet dhe nga politikanet.
Thua qe dakort qe te filloj te luftohet informaliteti, por te filloje nga politikanet.
Na jep ndonje fakt informaliteti nga viti 2014-2015, se me llafe per hater te llafeve, nuk bejme gje tjeter vecse bajatosim argumentin.
Po vure nje meter per gjithe Shqiperine, i bie qe te stoposh legalizimiet dhe ti vesh bomben atomike gjithe vendit. Politikanet kane deklarata pasurie publike, nxirr prej atyre fakte ku deklarata nuk perputhet me realitetin.
Jeni kthy ne gazete pacavure. Nuk gjej dot me nje artikull tek ju qe mos kete nje mbyllje me logjike populiste-komuniste ose nihiliste.
Tregu eshte plot me gazeta.
Tregu eshte plot me gazeta. Edhe informale.
Per komentuesin qe ngre ato
Per komentuesin qe ngre ato pyetjet, si ka mundesi qe te na ndertohet gjithe ajo vile ne surrel ku nuk dihet se sa kushton, a eshte bakshish i ndokujt per kryeministrin tone sepse nuk egziston mundesia me e vogel qe Edi Rama te ndertoj gjithe ate vile me rrogen si kryebashkiak e as si kryeminister. Çfar deklarata pasurish thua ? ato ku Sali Berisha ka nje dhome e guzhine, apo ate te Edi Rames qe jetonte me qera deri dje , apo ate te erjon velis ? Cilen nga keto deklarata duhet te besojm, apo duhet te besojme institucionin qe merret me dekleratat e pasurive qe deri tani bejne sikur denojne me gjoba per mosdeklarim pasurie brenda afatit te disa kryekomunareve qe nuk kan se cte deklarojne se jan aq fshatar se nuk e din qe egziston nje institucion i till. Me thuaj cili nga institucionet shqipetare eshte i besueshem? Policia, Prokuroria, Gjykata , kto inspektoriatet e leshit qe ngrejn kto qeveritaret e leshit per te rrjepur popullin . Me thuaj ke duhet te besojme ???