Në konferencën e degës së Tiranës, kryetari i Partisë Republikane, Fatmir Mediu tha se vendi drejtohet nga një qeverisje tribale e klanore që kërcënon këdo që i del përpara. Shqetësimi i parë i  sipas tij i pasqyruar edhe në raportet e ndërkombëtarëve është korrupsioni i përhapur në çdo degë të qeverisë. Kreu i Partise Republikane e vuri theksin edhe në rolin që duhet të marrë opozita e bashkuar, për të rikthyer shpresën për shqiptarët.  Sipas tij ështe më shumë se naïve dhe  shkatërruese për të djathtën të mendojë se suksesi i saj politik varet nga përçarja e të majtës.  “Nëse për disa individë në PD kjo do siguronte marrjen e qeverisë, për shqiptarët kjo do shkatërronte shpresën  dhe do ta shaktërronte të djathten- u shpreh Mediu në aktivin e Tiranës, duke përforcuar zërat se ka individë në Partinë Demokratike që mendojnë se një aleancë me LSI-në mund t’i risjellë në pushtet.