Presidentja moldave Maia Sandu ka caktuar Dorin Recean, një akademik dhe politikan, ish-ministër i Brendshëm, në detyrën e kryeministrit të ri të vendit.

Vendimi erdhi pas dorëheqjes së kryeministres Natalia Gavrilita që deklaroi se kirzat e shumëfishta të provokuara nga agresioni rus në Ukrainë kishin sjellë një dështim. Qeveria moldave është përballur me krizë energjetike, inflacion dhe paaftësi për të penguar dhunimin e hapësirës së saj ajrore.

Sandu ka caktuar në detyrë një figurë të njohur pro-perëndimore në vend, sinjal ky për kundërshtimin e presionit rus, ndërkohë që partia e saj ka një shumicë të mjaftueshme në Parlament për të mbështetur Recean.